به ياد جوان ناكام شادروان رامين سكوند از طايفه بزرگ قلي
| آخ رامين چي اوُسِنوُ/ دِ دَر بيايي |
حَنا بَكي دالكهَ / جوُنمْ بِهايي |
| رَتي وِ شهرِ شيراز / گوِتي مِيايم |
يهِ ساعت زِنينهَ / بي تو نهايمْ |
| قوُموُنهِ گُمْ كِردِمهَ / دُرِء گروُني |
مَردِمْدار مِيموُنواز / چي پَهلوَوني |
| گِلِي وِت چارهَ نويس/چي سيمْ نوشتي |
تَش وَني دوُ كَپرِمْ / رامينِ كُشتي |
| شوُ اوُما وا سوُزِ دلْ / سيت بَگريوِمْ |
پُكِ دِلْ حالي بَكمْ / تا بَفريوِمْ |
| مِيا چنوُ سيك بَزنمْ /سوُز دِلْ وِريسهَ |
اَسرِچَشمْ رهَ بِيرَه / خي وِش نِهِسهَ
|
به ياد جوان ناكام شادروان نعمت بيرانوند ازطايفه بزرگ بيرانوند
| چَش قشَنگ بالا بِلَنگ/ بازوُ شِلالِي |
اَسرِ چَشمْ رَه گريت / بي وِ گِلالِي |
| دِلمْ هاس دوُ عَروُسيت/ دَسي بِيرِمْ |
شوُناشوُنِت بَشينمْ/ عَكس وات بِيرِمْ |
| مَر يهَ ني چَرخِ فَلك / شيو دهَ دِ كارِمْ |
بادِ غَمْ زَمْ دِ زِمي / شيوِسهَ شارِمْ |
| نِزايهَ هيچ دالكهِ / نعمت بيارهَ |
نوُمْ نيكِش مَن وِجا /مين ايل ديارهَ |
| مهِ دِلي لوُ ريز دِ خي/دي چارهَ دارِمْ |
سَر كوُچيلمْ اِشكنا / كُشتهَ بِرارِمْ |
| سوُختمْ سي مهربوُنيت / وا دِلِ پاكِت |
هيچكَسي دِلِش نوُما/ بَسپارهَ خاكِت |
شاعر لُري وَ لَكي : حسينقلي كيان عليخاني
همراه : 4177 642 0916
