هِي   لووُ    هِي    لووُ /  هِي لووُه  َهِه

دِتهَ      نيشتيهَ /   زلفهَ      تاووُهَ       مِه

مَر   مِه   چهَ   وِتمِ /   توِ   چهَ      شنَفتي

وِه      حَرف   مَردمِ  /  توُ ژَه مهِ كَفتي

دِمَكَت   بار بن  /      دَمِ    دَمانِت   كَمِ

سوُرمهَ     عطاري /   پُر   چَمِيلت    كَمِ

خدا    بسيني   /   حَقمِ      ژهَ      دايَت

خوُمِ  رنجمِ كيشا/كي نيشت وهَ سايَت

چَمِيل    مَسِت   /    بي   سوُرمهَ     مَسهَ

خدا   مَزاني   /      خيني   چَن    كَسهَ

هِي   لووُ   هِي   لووُ  /   هِي  لووُه َهِه

دِتهَ     نيشتيهَ  /   زلفهَ      تاووُهَ       مِه

دوُسيِ   مَمِري  /     شينيِ      يهِ    دَمهَ

دوُس   ژهَ   دوُس كَفتِن / خيلي سِتمهَ

ياران    بِنشين   /   بِكيمِ      دَردِ    دلْ

هَر   كهَ   ياري   نِيري / بِنيشي وهَ گِل

اِمشوُ   چَن   شوُوهَ   /  دير   ژهَ  يارانمِ

چي   زمين   ديميِ /    تشنهَ      بارانمِ

ياران   كي  ديهَ   /  دِت   وهَ   گاياري

گاهُ    نار   طلا /      گاران     مِرواري

گِران   گِرتمهَ  /      چي      دار     بَلي

مَر   علاجمِ   كهَ /      دِ     تهِ    رَجُوَلي

هِي   لووُ     هِي   لووُ /   هِي لووُه َهِه

دِتهَ   نيشتيهَ   /   زلفهَ     تاووُهَ         مِه

اگر      نامَكَت       /      فراموُشمِ     بوُ

سفيدي   كَفَن  /    بالا      پوُشمِ        بوُ

دَسَكَمِ   بِگر   /       بِيمِ      وهَ     مالَكتَ

بِكَمِ   وهَ       مهمان   /    تَنيا    خالَكَت

هِي   داد  هِي   بيداد  / كَسْ ديار نيهَ

كَسْ   ژهَ   دَردِ   كَسْ /   خوُر  دار نيهَ

هِي    دووُره /    هِي     دووُرهَ

هيردِ   وُ    وَلاش /  كهَ زووُرهَ

هِي        پَري   /    هِي      پَري

نالْ    نغُرهَ     وُ   /    صُم زرَي

بِري    بال   وُ   /     بِري     بال

هيردِش    بَكوُ  /   روُ   وَ   مال

هِي دووُ  رَه    /   هي    دووُره

بينم      دوُنِش   /       چطوُرَه

دووُرهَ   دووُرهَ  /  دووُرَه هاوُو

هيردِش    بَكوُ   /  روُ سي اووُ

هِي    دووُرَه /    هِي      دووُرَه

ديو وُ  اوُما    /  چي      بوُورَه

هِي       بوُنهَ   /     هِي      بوُنهَ

هيردِش    بَكوُ  /    روُ    حوُنهَ

دووُرَه   دووُرهَ / دووُرهَ   هاووُ

جوُن      مِني   /    كِلَه    گاووُ

بِري    بال      وُ    /  بِري    بال

جوُن     مِني   /   زَرد    شلاَل

بالا     بال    وُ   /    بالا   وُ  بال

هيردِش    بَكوُ  /   روُ   وَ  مال

ههِهَ     هووُوُ   /      ههِهَ     هووُ

جَلهِ    خر   وُ   /    جَلهَ    گاووُ

هيردِش   بَكوُ   /  روُسي    اووُ

جوُن    مِني /  يال   قووُ   قووُ

دووُرَه دووُرهَ /  دووُرَه    هاووُ

هيردِش     بَكوُ  /  روُ سي اووُ

كِيوِنوُ       شير   كِيوِنوُ /    بِلَنگ     بالايِ

وِ   مينِ   مَجلس  مِيا /  چي    كَد    خدايِ

شَهجوُن   وُ    دلير   زنَه /  سُفرهَ  وِ سينهَ

دِ    مينِ   ايلِ    سَگوَند  /  اوُ   نارهَ    كينهَ

حوُنهَ    داري  مِي كنهَ /  چي    پَهلووُني

دَر   وُ   بوُن  اووُ  جاروُكِرد /دارهَ ميموُني

گفت  وُ  لطف هَمت بالا / ها  دوُ كمالِش

هميشهَ   خنهَ  وِ   لوُ  /    گُل    وِ   جمالِش

اوُ   چنوُ   رفتار   خوُوهَ  /  وا  درِ حوُمسا

گير   نمِيا   پيدا    نَدهَ  /     دِ     مينِ   دُنيا

دلسُوز   وُ   مهربوُنهَ /  اوُ  سي    بَچووُنِ

نَوِيان    اوُ   دوُس   دارهَ /  بيشتردِ جوُنِش

سحَر   خيز   مَشك  وُ   مُلار / گَلهَ وِ دوُنهَ

تَشِ   وُ   توُوَش  ها   وِدار / سي پُختِ نوُنهَ

صَد    ميموُ   اَر   بَرَسهَ  / اوُ ني   خيالِش

خَم  وِ  اَبروُ   نِميارهَ  /  خوُشا   وِ     حالِش

هَر   پيايِ   داشتوُوهَ  /     چني      ايالي

جوِوُن     وُ   سَر   حال  موُنهَ / نارهَ خيالي

اوُ   گُل وُ  حوُنهَ  گُل وُ / گُل ها  وِ نوُمِش

وا   روُوي   سِيل   بَكني /  وِ      هوُنموُنِش

كِينوُ   خوُ   سي   گفتگوُ /   هُمدَمِ   مَردهَ

كِينوُ  گَن   چي   زِمسوُ  / اوُ   يَخ      سَردهَ

كِينوُ  گَن چي سَرطان / هِي ها دِ جوُنِت

كِينوُ     خوُ     بهاريِ    /    سي   هوُنموُنِت

هَرچي  خَرجِش  بَكني /  وِش مِي برازهَ

وا    سَختي  دِ   زنيي /   وا      توُ مِي سازهَ

خِت  خَمير  جگ  وُ جاروُ / بَچهَ مِيهَ شير

مَشك وِ كوُل اووُ  مِيارهَ / ايي همهَ رهَ دير